Aktorja e famshme e cila njihet kryesisht për rolin e saj në seritë e “High School Musical”, Vanessa Hudgens, është fotografuar duke dërguar mesazhe në celular, teksa drejtonte makinën e saj në Los Angeles.
Megjithatë, dënimi nuk vonoi. Ajo u gjobit nga policia, megjithëse nuk dukej e tendosur, transmeton UBT News.
Në fotografitë e publikuara nga paparacët, Hudgens shihet duke qeshur teksa flet me një polic dhe i jep atij patentën.
Aktorja sapo kishte dalë nga palestra në momentin kur u kap duke përdorur celularin. Në Kaliforni nuk lejohet që të përdoret celulari apo ndonjë pajisje e ngjashme elektronike teksa je në makinë dhe për këtë arsye aktorja ka marrë një gjobë./UBTNews