Komisioneri i përgjithshëm i agjencisë palestineze të OKB-së për refugjatët ka thënë se Gaza po shndërrohet shpejt në ferr dhe është në prag të kolapsit.
“Shkalla dhe shpejtësia e krizës humanitare që po shpaloset në Gaza është tronditëse”, tha Philippe Lazzarini.
Lazzarini u bëri thirrje të gjitha palëve të përfshira që të ofrojnë qasje dhe mbrojtje humanitare “të menjëhershme dhe të pakushtëzuar” për civilët e Gazës dhe të respektojnë ligjet e luftës.
Ai shtoi se urdhri i Izraelit që 1.1 milion njerëz të largohen nga Gaza veriore është “e tmerrshme”.
“Kjo do të çojë vetëm në nivele të paprecedenta mjerimi dhe do t’i shtyjë edhe më tej njerëzit në Gaza në humnerë”, tha Lazzarini./UBTNews/