Afrika e Jugut raportoi të enjten rastin e parë të lisë së majmunëve, duke iu bashkuar rreth 40 vendeve të tjera që kanë identifikuar pacientë me këtë sëmundje.
“Pacienti është një mashkull 30-vjeçar nga Johannesburgu, i cili nuk ka histori udhëtimi, që do të thotë se kjo nuk mund t’i atribuohet se është marrë jashtë Afrikës së Jugut. Duke punuar me autoritetet përkatëse shëndetësore, ka filluar një proces i gjurmimit të kontakteve“, tha ministri i Shëndetësisë Joe Phaahla, në një konferencë për shtyp.
Simptomat fillestare të lisë së majmunëve zakonisht përfshijnë një temperaturë të lartë, nyje limfatike të fryra dhe një skuqje të fshikëzave, të ngjashme me linë e dhenve.
Sëmundja zakonisht është e lehtë dhe pacientët normalisht shërohen pas dy ose tre javësh.
Organizata Botërore e Shëndetësisë tha javën e kaluar se Evropa mbeti epiqendra e shpërthimit global të lisë së majmunit.
Organi shëndetësor i OKB-së do të mbajë një takim urgjent të enjten për të përcaktuar nëse do të klasifikohet shpërthimi global i lisë së majmunëve si një emergjencë shëndetësore publike me shqetësim ndërkombëtar. /UBTNews/