Aeroporti Schipol në Amsterdam ka anuluar dhjetëra fluturime të planifikuara për të hënën si masë paraprake për shkak të erërave të forta që priten kur stuhia Isha të arrijë në Holandë, njoftoi sot aeroporti.
Schiphol ka anuluar 130 fluturime hyrëse dhe dalëse dhe këshilloi pasagjerët të kontrollonin statusin e fluturimeve të tyre në internet.
Linja ajrore holandeze KLM, përdoruesi kryesor i aeroportit, njoftoi për mediat vendore, se kishte anuluar 65 fluturime evropiane të hënën.