Marka Adidas ka paralajmëruar se mund të pësojë humbjen e parë vjetore në më shumë se tri dekada, kryesisht për shkak se mund t’i duhet që të heqë të gjithë gamën e veshjeve dhe atleteve të markës Yeezy.
Prodhuesi gjerman i veshjeve sportive njoftoi të mërkurën se do të përballet me një humbje operative prej 700 milionë eurosh (736 milionë dollarë) këtë vit, humbja e parë në 31 vjet, për shkak të goditjes së mundshme prej 500 milionë eurosh (527 milionë dollarë) në lidhje me stoqet e pashitura të Yeezyt.
Aksionet në Adidas (ADDDF) ranë me 2.2% mëngjesin e së mërkurës, për shkak se kompania publikoi rezultatet e arritura gjatë vitit 2022 dhe perspektivën për vitin 2023.
Kompania ndërpreu partneritetin e saj fitimprurës nëntëvjeçar me stilistin dhe reperin Ye, gjatë muajit tetor./UBTNews/