Një aktor i ri ka vdekur pasi iu nënshtrua një duzinë operacionesh estetike gjatë një viti në mënyrë që të dukej si këngëtari i BTS, Jimin.
Saint Von Colucci vdiq të dielën herët në moshën 22-vjeçare në një spital të Koresë së Jugut për shkak të komplikimeve nga procedura e tij më e fundit, tha publicisti i tij, Eric Blake, për DailyMail.
Van Colucci iu nënshtrua thikës të shtunën e kaluar për të hequr implantet e nofullës që kishte vendosur nëntorin e kaluar.
Pas operacionit, të cilin ai me sa duket e dinte se ishte i rrezikshëm, Van Colucci pati një infeksion dhe duhej të intubohej. Ai vdiq disa orë më vonë.
“Është shumë tragjike dhe shumë për të ardhur keq”, tha Blake, duke shtuar se klientit të tij “nuk i pëlqente” “nofulla dhe mjekra e tij shumë katrore”, pasi ai “mendonte se ishte shumë e gjerë”.
Në 12 muajt e fundit, Von Colucci shpenzoi 220,000 dollarë për 12 operacione, përfshirë një ngritje të fytyrës, një operacion të hundës, një tërheqje të syve, zvogëlim të buzëve dhe disa të tjera.
“Ai ishte shumë i pasigurt për pamjen e tij”, shpjegoi Blake, duke specifikuar se Van Colucci ishte veçanërisht “i pakënaqur” me fytyrën e tij.
Tiparet origjinale të Von Colucci-t përfshinin flokët biondë të errët dhe sytë blu.
“Ishte shumë e vështirë për të të gjente një punë në Korenë e Jugut”, pohoi Blake, “dhe ai ndihej shumë i diskriminuar [për shkak të] pamjes së tij perëndimore”./UBTNews/