“Love Actually” u shfaq në vitin 1993 dhe që atëherë është shndërruar në një klasik, i dashur nga brezat e fansave për mënyrën se si jeta dhe marrëdhëniet e tetë çifteve që jetonin në Londër u përshkruan nga regjisori Richard Curtis.
Diane Sawyer ishte prezantuesja e filmit special të shekullit të 20-të, ku një pjesë e madhe e aktorëve të tij u kthyen për të diskutuar filmin dhe ndikimin kulturor që ai ka pasur. Traileri për ribashkimin me rastin e 20-vjetorit u publikua në emisionin Good Morning America.
“Ne harrojmë, harrojmë herë pas here, se dashuria është kudo rreth nesh. Është gjithçka që ka rëndësi. Gjyshja ime thoshte, ‘Zemra juaj nuk është e mirë si një zemër derisa të jetë thyer 10 herë’. Ka diçka në indin e plagës që e bën atë më të fortë”, tha Emma Thompson, e cila luan personazhin Karen.
Sipas regjisorit Richard Curtis, dashuria është një emocion që nuk do të plaket kurrë. “Ne marrim mijëra filma për vrasës serialë ndërkaq ka pasur vetëm nëntë prej këtyre“, tha ai në lidhje me rëndësinë e historive të dashurisë, duke shtuar më tej, “E megjithatë, do të ketë një milion njerëz që do të bien në dashuri, duke e ndjerë se janë momentet më interesante të jetës së tyre”.
Hugh Grant, i cili luajti kryeministrin e Mbretërisë së Bashkuar në film, gjithashtu u shfaq në ribashkim së bashku me Laura Linney, Bill Nighy dhe Thomas Brodie-Sangster./UBTNews/