Mesfushori italian, Marco Verratti si duket e ka konfirmuar që Gianluigi Donnarumma do të transferohet tek PSG për sezonin e ardhshëm 2021/22.
Donnarumma u largua nga Milani pasi që kontrata e tij skadoi, dhe pritet t’i bashkohet gjigantit francez pas finales mes Italisë dhe Anglisë në Euro 2020.
Në një konferencë për media para ndeshjes finale, mesfushori i Italisë tregoi që është i lumtur që do ta ketë shok të ri të skuadrës.
“Ai e meriton t’i bashkohet një klubi të madh, që ka ambicie të mëdha për ta fituar Ligën e Kampionëve. Jam i lumtur që do ta kem Donnarumman si shok të ri të skuadrës tek PSG, ai do të na ndihmoj shumë”, tha Verratti.
Donnarumma këtë verë e përfundoi aventurën e tij tek skuadra italiane Milan, duke mos e rinovuar kontratën e tij, dhe si lojtarë i lirë pritet t’i bashkohet Paris Saint-Germain pas finales së Euro 2020.