Përveç Superligës së Kosovës në futboll që po ofron një kampionat mjaft cilësor dhe të paparashikueshëm, një garë e nxehtë dhe më shumë të papritura po bëhet edhe në Ligën e Parë.
Tashmë kur janë zhvilluar 11 ndeshje, ka ndryshuar edhe renditja tabelare me Trepçën 89’ që e ka rrëzuar nga froni Vëllaznimin dhe tani e kryeson tabelën me 23 pikë, kundrejt 21 sa i ka skuadra nga Gjakova në vendin e dytë.
Vendet tre, katër dhe pesë mbahen nga Onixi, A&N dhe Drenasi, kurse në pesë vendet e fundit të tabelës së Grupit A mbahen nga Trepça, Liria, Rahoveci, Istogu dhe Besa.
Në Grupin B, tabela kryesohet nga Vushtrria me 21 pikë pas 11 ndeshjeve, e ndjekur nga Ferizaji me 20 pikë dhe Ramiz Sadiku me 19 sosh, aq sa ka edhe Arbëria në vendin e katërt.