Për nder të përvjetorit të Pavarësisë së Kosovës, Federata e Futbollit të Kosovës dhe ajo e Shqipërisë kanë organizuar një ndeshje futbolli ndërmjet veteranëve të të dy kombëtareve.
Kjo ndeshje u zhvillua në stadiumin “2 Korriku” në Prishtinë, ku morën pjesë emra si Erion Bogdani, Armend Dallku, Alban Bushi, Altin Lala, Muharrem Sahiti, Eroll Salihu, Sheremet Isufi, Arsim Plepolli, Haxhi Zeka, etj
Ndeshja e zhvilluar në kushte shumë të mira atmosferike u mbyll pa fitues dhe rezultati ishte 0-0.
I pranishëm për ta përcjellë nga afër këtë ndeshje ishte edhe kryetari i Federatës së Futbollit të Kosovës, Agim Ademi.