Sot është zhvilluar njëra nga ndeshjet e gjysmëfinales së Kupës së Kosovës, derbi mes Prishtinës dhe Llapit.
Në kuadër të ndeshjes së parë, Llapi ka mposhtur Prishtinën si mysafirë, ku pas 90 minutave lojë rezultati është 3:2 në favor të “Legjendave”.
Rezultatin i pari e zhbllokoi ish-sulmuesi i Prishtinës Ahmed Januzi, i cili shënoi në minutën e 6’. Pjesa e parë përfundoi me rezultat minimal 1:0 në favor të Llapit.
Pjesën e dytë Llapi e nisi furishëm, ku në minutën e 57’ ishte përsëri 32 vjeçari Januzi që shënoi për 2:0. Llapjanët nuk u ndalën me kaq, pasi që përsëri shënuan gol në minutën e 63’, ku Shabani ishte realizator për 3:0.
Dukej se ndeshja do të përfundonte 3:0 në të mirë të Llapit, por 2 minuta pas golit të tretë të Llapit, Prapashtica shënoi për 3:1. Drama vazhdoi deri në minutën e 90’ ku Pefqeli arriti që ta ngushtojë rezultatin në 3:2.
Ky rezultat lë çdo gjë të hapur sa i përket finalistit i cili do të përcaktohet në ndeshjen e dytë.