Gjiganti anglez, Manchester United po heziton të paguajë shumën prej 80 milionë eurosh për mbrojtësin e Sevillas, Jules Kounde.
“Djajtë e Kuq” janë të interesuar që të përforcojnë repartin e mbrojtjes, por nuk dëshirojnë të japin një shumë astronomike për mbrojtësin 22-vjeçar.
Për Kounden interesim serioz ka shprehur vetëm skuadra e Manchester Cityt, dhe së fundmi është raportuar edhe për United, por Sevilla nuk është e gatshme të humbasë njërin prej lojtarëve kryesorë të saj, vetëm nëse ekipet e interesuara do të paguajnë dëmshpërblimin prej 80 milionë eurosh.