Sipas raporteve të shumta në Itali, José Mourinho u grind me disa gazetarë pas derbit të Romës dhe u largua nga konferenca e tij për shtyp.
“Special One” ishte mjaft i zhgënjyer pasi skuadra e tij pësoi humbjen e dytë të sezonit kundër rivalëve të qytetit Lazio.
Mourinho reagoi ndaj humbjes së Romës duke mbledhur lojtarët e tij në mes të fushës dhe mbajti para tyre një fjalim motivues.
Sidoqoftë, ai nuk mund ta fshihte zhgënjimin e tij gjatë intervistave të tij pas ndeshjes pasi fajësoi gjyqtarin dhe VAR-in duke thënë se ata e prishën lojën me vendimet e tyre.
Por ky nuk ishte fundi i një nate zhgënjyese për ish -trajnerin e Tottenhamit dhe Manchester United.
Sipas disa raporteve në Itali, trajneri portugez doli nga konferenca e tij për shtyp pas ndeshjes pas një debati me gazetarin e “Sky Sport”, Angelo Mangiante dhe reporterë të tjerë.
Është ende e paqartë pse Mourinho u grind me gazetarët, por me siguri ai nuk e mbajti shtypësin e tij pas ndeshjes dhe u largua nga salla e konferencave dukshëm i irrituar.
Që nga hyrja në fuqi e masave anti Covid-19 klubet në Serie-A kanë miratuar një strategji qe pyetjet e gazetarëve dërgohen së pari tek një ndërmjetësues dhe më pastaj i transmetohen trajnerit.
Por, kjo duket se e ka irrituar kësaj radhe Mourinhon i cili ka dalë nga salla dhe është dëgjuar duke thënë:
“Lazio paska zgjedhur njeriun që të flas për ne. Gazetarët prandaj le të flasin më atë”, është shprehur portuezi. Lazio e fitoi derbin lokal me Romën me rezultat 3-2.