Borussia Dortmund dhe Sevilla do të zhvillojnë sot ndeshjen e kthimit në kuadër të fazës së eliminatorëve në Ligën e Kampionëve.
Ndeshja e parë mes këtyre dy skuadrave përfundoi me rezultat 2:3, në të mirë të Dortmundit, ku gjermanët arritën të sigurojnë fitore përmes dy golave të Haaland dhe mesfushorit Mahmoud Dahoud.
Dortmund do të shikojë të përfundojë punën e mirë që e ka nisur, ku sot me një fitore të mundshme në shtëpi, do ta prekte fazën e çerekfinales, sidoqoftë edhe barazimi i mjafton gjermanëve që të tejkalojnë skuadrën spanjolle.
Në këtë ndeshje, për Dortmundin nuk do të mund të paraqiten Axel Witsel dhe Marcel Schmelzer, ndërsa në dyshim për tu paraqitur janë Giovanni Reyna, Jadon Sancho, Raphael Guerreiro, Manuel Akanji dhe Erling Braut Haaland.
Në anën tjetër, tek Sevilla do të mungojë vetëm Aleix Vidal, ndërsa në dyshim për t’u paraqitur janë Yassine Bounou dhe Jules Kounde.
Formacionet e mundshme të dy skuadrave i gjeni të bashkangjitura më poshtë.
Borussia Dortmund (4-3-2-1): Hitz; Morey, Can, Hummels, Guerreiro; Delaney, Bellingham, Dahoud; Reus, Hazard; Haaland
Sevilla (4-3-3): Bounou; Navas, Kounde, Carlos, Acuna; Jordan, Fernando, Rakitic; Suso, En-Nesyri, Ocampos
21:00 Borussia Dortmund – Sevilla (Stadiumi Signal Iduna Park)