Kapiteni i Barcelonës, Lionel Messi është dënuar me dy ndeshje pas kartonit të tij të kuq në humbjen në finale të Superkupës së Spanjës ndaj Athletic Bilbaos.
Messi u përjashtua në minutën e 119-të të ndeshjes të së dielës pas një përplasje me Asier Villalibre në një incident pa top që u pa nga VAR, dhe gjyqtari Jesus Gil Manzano më pas i tregoi atij kartonin e kuq.
Ishte hera e parë që ai ishte përjashtuar me fanellën e Barcelonës dhe vetëm kartoni i tretë i kuq në të gjithë karrierën e tij 17-vjeçare për Barçën dhe Argjentinën.
Raportet në Spanjë kishin sugjeruar që një dënim i madh mund të jepet për Messin, dhe një deklaratë nga Federata Mbretërore Spanjolle e Futbollit (RFEF) konfirmoi të martën se ai do të pezullohet për dy ndeshjet e ardhshme të Barçës.
Prandaj, ai do të humbasë ndeshjen e Copa del Rey kundër Cornellas dhe udhëtimin në kampionat tek Elche.