Presidenti i Federatës së Futbollit të Kosovës, Agim Ademi, ka bërë të ditur se për kualifikimin e Ballkanit në Ligën e Konferencës ka biseduar edhe me presidentin e UEFA-s, Alexander Ceferin.
I pari i FFK-së ka thënë se ka marrë përgëzimet nga i pari i UEFA-së për këtë skukses të skuadrës nga Suhareka, duke shtuar se suksese të tilla vijnë për shkak të një pune dhe angazhimi maksimal nga ai si kryetar i FFK-së.
“Mora përgëzimet e Ceferin për kualifikimin e FC Ballkani në fazën grupore të UEFA Conference League, teksa theksoi se ky sukses lidhet me ju si udhëheqës i mirë dhe i përkushtuar në zhvillimin e futbollit në Kosovë. Po ashtu, më uroj që arritjet e tilla të klubeve tona të jenë të vazhdueshme”, ka shkruar Ademi në Facebook.
Ballkani e eliminoi Shkupin nga play-off-i dhe u kualifikua për në fazën e grupeve të Ligës së Konferencës.