Frenkie De Jong mund të ndryshojë skuadër dhe në sezonin e ardhshëm të luajë në kampionatin anglez.
Është gjiganti Manchester United që ka bërë një ofertë për holandezin që raportohet të jetë rreth 80 milionë euro.
Sipas gazetës spanjolle “Marca”, skuadra e Premier Ligës ofron 60 milionë euro para të gatshme dhe 20 milionë të tjera në bazë të performacës së lojtarit dhe sukseseve të skuadrës.
Trajneri i ri i “Djajve të Kuq” Erik ten Hag ka folur tashmë me mesfushorin holandez për ta bindur atë duke i thënë se do të luante një rol kryesor në “Old Trafford”.