Faqja zyrtare e kampionatit anglez të futbollit, Premier Liga, sot ka publikuar videon e golit të realizuar nga Xherdan Shaqiri kundër Hull Cityt në kohën kur reprezentuesi zviceran luante për Stoke Cityn.
Në ndeshjen që u zhvillua më 15 prill të vitit 2017, Shaqiri shënoi një gol nga rreth 30 metra distancë duke e vulosur kështu fitoren me rezultat 3-1 të skuadrës së tij.
Dy golat tjerë për Stoke Cityn ishin shënuar nga Arnautovic pas asistimit të Shaqirit dhe Crouch që ishte asistuar nga Arnautovic.
Ndryshe, Shaqiri kishte kaluar te Stoke City nga Interi në vitin 2015 dhe qëndroi aty deri në vitin 2018 kur iu bashkua Liverpoolit.