Gareth Southgate mund të mos vazhdojë të jetë në krye të Kombëtares së Anglisë pas eliminimit në çerekfinale të Kupës së Botës nga Franca.
E ardhmja e tij është vënë në dyshim, edhe pse vet trajneri nuk ka qartësuar nëse do të largohet, por mediat angleze raportojnë se ai është i joshur nga oferta e disa klubeve në ligën amerikane të futbollit, MLS.
Tani, sipas asaj që raporton “Daily Mail”, janë dy emra që potencialisht mund ta marrin drejtimin e Anglisë nëse Southgate vendos që të largohet.
Thomas Tuchel dhe Maurizio Pochettino janë dy trajnerët të cilët thuhet se kanë interesim për ta drejtuar Anglinë. Që të dy në të kaluarën ishin trajner të Paris-Saint-Germain, ndërsa janë të pa punë për momentin.