Rusia ka paralajmëruar se pranimi i Ukrainës në Organizatën e Traktatit të Atlantikut të Veriut (NATO) mund të shkaktojë Luftën e Tretë Botërore.
“Kiev e di mirë se një hap i tillë do të nënkuptonte një përshkallëzim të garantuar në një Luftë të Tretë Botërore”, tha zëvendëssekretari i Këshillit të Sigurimit të Rusisë, Alexander Venediktov, për agjencinë shtetërore të lajmeve TASS.
Venediktov përsëriti gjithashtu qëndrimin e Rusisë se ndihma për Ukrainën tregoi se Perëndimi është “një palë e drejtpërdrejtë në konflikt”.
Komentet vijnë pas një rezolute të Asamblesë së Përgjithshme të OKB-së që e quajti aneksimin e territorit ukrainas nga Moska të mërkurën “të paligjshëm” dhe pasoi një premtim të aleatëve të Ukrainës për të ofruar më shumë ndihmë ushtarake./UBTNews/