Në Moskë, një zyrtar i Kremlinit sot nuk ishte në gjendje t’i përgjigjej një pyetjeje në lidhje me kufijtë e saktë të Khersonit dhe Zaporizhzhias – dy nga katër rajonet e Ukrainës që Rusia synon t’i aneksojë më vonë.
Duke iu referuar aneksimit të Krimesë tetë vjet më parë, zëdhënësi i Kremlinit, Dmitry Peskov, u tha gazetarëve: “Republikat Popullore të Donetsk dhe Luhansk janë njohur nga Rusia brenda kufijve të vitit 2014”.
I pyetur për territoret e Kherson dhe Zaporizhzhisa – kjo e fundit nuk është nën kontrollin e plotë rus – Peskov dukej më pak i sigurt.
“Më duhet ta sqaroj këtë, nuk mund t’i përgjigjem kësaj pyetjeje tani”, e citon atë të ketë thënë agjencia e lajmeve AFP.
Aneksimet e shumta do të zyrtarizohen në orën 13:00 BST në një të ashtuquajtur ceremoni nënshkrimi./UBTNews/