Zviceranët ia dorëzuan të mërkurën Perusë një skulpturë të madhe prej guri, e cila u skalit rreth 2 mijë e 500 vjet më parë nga një prej qytetërimeve më të hershme të vendit.
Skulptura monolitike, e cila peshon pothuajse 200 kilogramë (440 paund), u soll në Zvicër me kamion në vitin 2016 nga Gjermania me kërkesë të një tregtari gjerman të artit.
Zyra Federale e Kulturës e Zvicrës (FOC) njoftoi përmes një deklarate se skulptura nuk ishte shpallur siç duhet si pronë kulturore. Më vonë u konfiskua pasi kishte dyshime se ishte marrë në mënyrë të paligjshme nga Peruja.
Peruja është prekur shumë nga plaçkitja dhe shkatërrimi i vendeve arkeologjike./UBTNews/