Zjarret po vazhdojnë të përhapen në ishullin grek të Evias, duke detyruar banorët të ikin drejt detit. Mbi 2 mijë persona janë evakuuar.
Zyrtarët lokalë thanë se nuk ishte dërguar ndihmë e mjaftueshme për të shuar zjarret, duke shtuar se pjesë të ishullit tashmë ishin shkatërruar.
Greqia po përjeton valën e saj më të rëndë të të nxehtit në 30 vjet, ku temperaturat janë rritur në 45 gradë Celsius.
Një numër zjarresh kanë goditur vendin ditët e fundit. Një zjarr në Athinë thuhet se është shuar./UBTNews