Michael Packard, 56 vjeç, nga Wellfleet, Massachusetts ka rrëfyer momentin kur u gëlltit nga një balendë gjigande gabimisht duke menduar se ishe ushqim.
Në fillim ai mendoi se ishte sulmuar nga një peshkaqen të cilët janë të zakonshëm në zonën e Cape Cod, por vuri re që nuk po ndjente asnjë dhemb.
Ai tregoi se si ishte i zhytur rreth 45 metra poshtë ujit të premten në mëngjes kur ndjeu një përplasje të madhe dhe gjithçka u errësua.
“Atëherë e kuptova, o Zot, unë jam në gojën e një balene që po përpiqet të më gëlltisë, kjo është unë do të vdes”, është shprehur ai për mediat.
Ai qëndroi në gojën e balenës për rreth 30 sekonda, por ishte në gjendje të merrte fryme duke përdorur pajisjen e tij.
Z. Packard tha: Papritmas ai u ngjit në sipërfaqe dhe filloi të tundte kokën. Unë fluturova në ajër dhe më pas përfundova sërish në ujë.
Ai u shpëtua nga një shok i ekuipazhit në anije dhe më vonë u mjekua në Spitalin Cape Cod.
Në Facebook, ai shkroi: “Përshëndetje të gjithëve, dua të sqaroj atë që më ndodhi sot. Unë isha duke u zhytur në det dhe një balenë me gunga u përpoq të më hante. Isha në gojën e tij të mbyllur për rreth 30 deri në 40 sekonda para se ai të ngrihej në sipërfaqe dhe të më pështyjë. Unë jam shumë i mavijosur, por nuk kam thyer kocka. Dua të falënderoj skuadrën e shpëtimit Provincetown për kujdesin dhe ndihmën e tyre.”/tvklan.al