Gati 3000 minatorë janë shpëtuar pasi ndërprerjer w energjisë elektrike të shkaktuara nga sulmet ruse në infrastrukturën energjetike i lanë ata të bllokuar nën tokë gjatë natës.
Një në katër shtëpi në Kiev janë pa energji pas bombardimeve të së mërkurës, thanë autoritetet e qytetit në Telegram. Furnizimi me ujë në qytet është rikthyer tashmë, megjithëse sistemet nuk po funksionojnë me kapacitet të plotë.
Këtu janë zhvillimet më të fundit:
“Errësirë” e paprecedentë: Breshëria e sulmeve ajrore ruse kundër infrastrukturës energjetike shkaktoi një “errë” në sistemin energjetik të Ukrainës, tha ministri i energjisë për televizionin kombëtar, duke shënuar herën e parë që të katër centralet bërthamore të Ukrainës u mbyllën në të njëjtën kohë.
Rritet numri i të vdekurve: Numri i të vdekurve nga sulmet me raketa ruse ka shkuar në 10, tha prokurori i përgjithshëm i Ukrainës në televizionin kombëtar. Ka rreth 50 civilë të plagosur, shtoi ai.
Sanksione të reja: Bashkimi Evropian po përgatit një paketë të nëntë sanksionesh kundër Rusisë, tha të enjten presidentja e Komisionit Evropian, Ursula von der Leyen.
Operacioni i shpëtimit: Gati 3,000 minatorë u shpëtuan pasi sulmet ruse në infrastrukturën energjetike të Ukrainës i lanë ata të bllokuar nën tokë gjatë natës. Përpjekjet e shpëtimit në rajonin qendror të Dnipropetrovsk përfunduan në orët e para të mëngjesit të sotëm./UBTNews/