Bukurije Hasan Neziraj nga fshati Talinovc i Muhaxherëve të Ferizajt është zhdukur. Për gjetjen e 46-vjeçares policia po kërkon bashkëpunimin e qytetarëve.
“Drejtoria Rajonale e Policisë në Ferizaj, kërkon bashkëpunim nga qytetarët, për personin e zhdukur nga fshati Talinovc i Muhaxherëve të Ferizajt, Bukurije Hasan Neziraj, e moshës 46 vjeçe. E njëjta me datën 11.06.2021, kishte dalë nga shtëpia dhe që nga ajo ditë, nuk dihet për fatin e saj. Ajo, ka flokë të zeza, sy të kaftë, e gjatë 1.80 cm, peshon 80 kg dhe kishte veshje sportive të zeza dhe bluzë ngjyrë vjollce. Policia, fton qytetarët, që nëse marrin ndonjë informacion për vendodhjen e saj, të njoftojnë menjëherë stacionin policor më të afërt. ( tel .192)”, thuhet në komunikatën për media nga policia.