Brazili ka marrë një kthesë në të majtë pasi ish-presidenti Luiz Inácio Lula da Silva e mundi në zgjedhjet presidenciale presidentin aktual të ekstremit të djathtë Jair Bolsonaron.
Pas një fushate tejet përçarëse, Lula fitoi 50.9% të votave. Kjo mjaftoi për të mposhtur Jair Bolsonaro, mbështetësit e të cilit kishin qenë të sigurt për fitoren.
Megjithatë, ndarja që kanë nxjerrë në pah këto zgjedhje, nuk ka gjasa të zhduket.
Është një rikthim mahnitës për një politikan që nuk mundi të kandidonte në zgjedhjet e fundit presidenciale në 2018 sepse ishte në burg dhe i ndalohej të kandidonte për postin.
“Ata u përpoqën të më varrosnin të gjallë dhe ja ku jam”, tha ai, duke nisur fjalimin e tij të fitores./UBTNews/