Kryeministri grek, Kyriakos Mitsotakis njoftoi të martën se vendi do t’i mbajë zgjedhjet kombëtare më 21 maj.
Njoftimi vjen pas një aksidenti vdekjeprurës të një treni që shkaktoi protesta kundër qeverisë.
“Greqia dhe qytetarët e saj kanë nevojë për horizonte të qarta”, deklaroi ai gjatë një paraqitjeje televizive.
“Zgjedhjet kombëtare… do të mbahen të dielën më 21 maj”, shtoi ai.
Në përputhje me ligjin grek, qeveria duhej të mbajë zgjedhjet më së voni deri në korrik të këtij viti.
Partia konservatore Demokracia e Re (ND) e Mitsotakis do të përballet me partinë e majtë Syriza, e cila udhëhoqi qeverinë nga viti 2015 deri në vitin 2019, nën qeverisjen e ish-kryeministrit Alexis Tsipras./UBTNews/