Deputeti i Lidhjes Demokratike të Kosovës (LDK), Armend Zemaj, ka akuzuar Lëvizjen Vetëvendosje (VV) se po e zvarrit qëllimisht konstituimin e Kuvendit. Sipas tij, ky bllokim është i lidhur drejtpërdrejt me mungesën e numrave për formimin e qeverisë, dhe se VV-ja nuk është e interesuar të kalojë në një fazë tjetër pa siguruar shumicën e nevojshme për krijimin e ekzekutivit.
“Konstituimi po zgjat përtej arsyeshmërisë. Çështja është te numrat për qeveri dhe VV-ja nuk është e interesuar deri sa të kalojmë në një momentum tjetër, deri sa të ketë siguri që ka numra për krijimin e qeverisë. E gjithë kjo bllokadë lidhet rreth formimit të qeverisë,” ka deklaruar Zemaj.