Presidenti ukrainas, Volodymyr Zelensky ka vendosur një kurorë me lule në një memorial për mijëra ushtarët e vrarë në përballje me forcat ruse që nga viti 2014 e deri te lufta që po zhvillohet ende në Ukrainë.
Kurora u vendos për nder të Ditës së Mbrojtësve të Ukrainës, e cila u festua për herë të parë në vitin 2015.
“Në sheshin Mykhailivska në Kiev, në prani të një garde nderi, një kurorë me lule nga populli ukrainas u vendos në Murin e Kujtimit të Mbrojtësve të rënë të Ukrainës në luftën ruso-ukrainase”, thuhet në një deklaratë nga zyra e presidentit./UBTNews/