Ukraina do të vazhdojë të bëjë gjithçka që mundet për t’i shkaktuar sa më shumë dëm armikut të saj, tha të dielën presidenti Volodymyr Zelensky.
“Edhe pushtuesit e pranojnë se ne do të fitojmë. Ne e dëgjojmë gjatë gjithë kohës në bisedat e tyre. Në atë që u thonë të afërmve të tyre kur i thërrasin“, tha ai në fjalimin e tij të natës me video teksa përshëndeti ditën e ardhshme të shtetësisë së Ukrainës, 28 korrik, një festë e re vjetore që Zelensky shpalli në gusht të vitit të kaluar.
Ashtu si çdo ditë në muajt e fundit pas pesë muajsh sulmesh ruse, Zelensky tha se Ukraina nuk po dorëzohej.
“Ne bëjmë gjithçka për t’i shkaktuar armikut dëmin më të madh të mundshëm dhe për të mbledhur sa më shumë mbështetje për Ukrainën“, tha Zelensky tutje.
Ai tha se Ukraina kishte një javë të rëndësishme përpara, me festën që po afrohej në mes të asaj që ai e quajti një “luftë mizore”.
“Por ne do të festojmë kundër të gjitha gjasave. Sepse ukrainasit nuk do të mashtrohen“, përfundoi ai. /UBTNews/