Presidenti ukrainas, Volodymyr Zelensky tha të premten se Rusia mendonte se mund t’i shpëtonte ndjekjeve penale për krime lufte për shkak të kërcënimit të një sulmi bërthamor.
“Ata nuk besojnë se mund të bëhen përgjegjës për krimet e luftës sepse kanë fuqinë e shtetit bërthamor. Kjo është dita e 72-të e luftës së plotë dhe ne nuk mund të shohim ende fundin e saj dhe nuk mund të ndjejmë asnjë vullnet të palës ruse për t’i dhënë fund asaj”, tha Zelensky duke folur përmes një përkthyesi, për institutin britanik Chatham House./UBTNews/