Presidenti ukrainas Volodymyr Zelensky e quajti kryeministrin britanik Boris Johnson “një mik të vërtetë të Ukrainës”, duke shtuar se ai ka besim se politika e Mbretërisë së Bashkuar ndaj Ukrainës nuk do të ndryshojë pavarësisht dorëheqjes së tij.
Ukraina fitoi shumë nga marrëdhënia e tyre me kryeministrin, duke përfshirë para së gjithash mbështetjen ushtarake, tha Zelensky për CNN.
Në fjalimin e tij të dorëheqjes, Johnson iu drejtua rolit të Britanisë në mbështetjen e Ukrainës në luftën e saj dhe tha se Mbretëria e Bashkuar do të luftojë për lirinë për aq kohë sa të nevojitet.
“Më lejoni t’i them tani popullit të Ukrainës. Unë e di se ne në Mbretëri të Bashkuar do të vazhdojmë të mbështesim luftën tuaj për liri për aq kohë sa të duhet”, tha ai.
Presidenti ukrainas tha se mezi pret të flasë drejtpërdrejt me Johnson për të mësuar më shumë rreth detajeve të dorëheqjes së tij./UBTNews/