Presidenti ukrainas, Volodymyr Zelensky ka diskutuar rreth ‘terrorizmit nuklear’ të Rusisë në termocentralin e Zaporizhzhia-s në një bisedë telefonike me homologun e tij francez, Emmanuel Macron.
Të hënën mbrëma, lideri ukrainas u bëri thirrje liderëve botërorë që të ndërhyjnë dhe të parandalojnë një aksident të mundshëm bërthamor në termocentral, i cili po vazhdon të mbahet nga forcat ruse. Sipas tij, nëse bota nuk tregon “fuqi dhe vendosmëri” për ta mbrojtur vendin, kjo nënkupton që bota është mposhtur.
“Do të humbasë nga terrorizmi. Dhe do t’i nënshtrohet shantazhit bërthamor”, deklaroi ai./UBTNews/