Zelanda e Re njoftoi të hënën sanksione shtesë ndaj Rusisë për shkak të luftës së vazhdueshme në Ukrainë.
Në një deklaratë, Ministrja e Jashtme, Nanaia Mahuta tha se ky raund ndëshkimesh do të fokusohet në sektorët e mbrojtjes dhe sigurisë ruse.
“Sot ne po sanksionojmë 14 individë dhe shtatë entitete si pjesë e mbështetjes sonë të vazhdueshme për Ukrainën”, tha mes tjerash Mahuta.
Sanksione u vendosën edhe ndaj “agjencisë së lajmeve dhe operacionit kibernetik të drejtuar nga inteligjenca ushtarake ruse”, si dhe gazetës NewsFront me bazë në Krime./UBTNews/