Vitet e adoleshencës mund të jenë sfiduese si për prindërit ashtu dhe për adoleshentët. Është një kohë e ndryshimeve të mëdha, fizike, emocionale dhe sociale. Adoleshentët përballen me presionin e mjedisit, eksplorojnë identitetin e tyre dhe përpiqen të luftojnë për pavarësinë.
Në të njëjtën kohë, prindërit ndiejnë distancë, keqkuptime dhe vështirësi në komunikim me fëmijët e tyre, që shkaktojnë frustrim dhe ndjenjën e pasigurisë, çelësi për të mbajtur një lidhje të fortë qëndron në mirëkuptimin, durimin dhe përshtatjen e qasjes ndaj prindërimit.
Psikologia e fëmijëve dhe edukatorja e edukimit, Jaimie Bloch, thekson se është më e rëndësishme të pranohet se sjellja e adoleshentëve nuk është gjithmonë e drejtuar kundër prindërve, por është pjesë e procesit të tyre të pjekurisë dhe kërkimit të vendit të tyre në botë.
Prindërit mund të kenë ndikim të rëndësishëm në këtë proces, por vetëm nëse janë të gatshëm të ofrojnë mbështetje e të krijojnë hapësirë të sigurt për të shprehur ndjenjat, edhe kur komunikimi është sfidues.
Bloch këshillon prindërit të qëndrojnë të lidhur me fëmijët në momente të tilla, pavarësisht mosmarrëveshjeve të mundshme. Kështu ajo ndau shtatë këshilla për përmirësimin e raportit me adoleshentët:
Dëgjoni pa gjykuar;
Qëndroni të qetë dhe kontrolloni emocionet tuaja;
Respektoni pavarësinë e tyre, por mbështesni ata;
Inkurajoni sjelljen pozitive, mos kritikoni;
Jini të qartë dhe të qëndrueshëm në vendosjen e pritshmërive;
Mos i merrni gjërat personalisht – shpërthimet e tyre shpesh janë pjesë e procesit të maturimit, jo një sulm personal;
Qëndroni të lidhur, edhe përmes heshtjes – ndonjëherë mjafton vetëm të jeni i pranishëm.