Platforma thotë se ndryshimi do të ndihmojë në mbrojtjen e krijuesve më të vegjël nga ‘sjelljet sulmuese që vijnë me mospëlqimet’, raporton UBT News.
YouTube ka njoftuar se do të fillojë të fshehë numrin e mospëlqimeve, duke e nxjerrë gradualisht ndryshimin që nga 10 nëntori.
Megjithatë përdoruesit do të jenë ende në gjendje të shohin reagimet negative në videot e tyre.
Në një deklaratë, kompania sugjeron se bërja private e mospëlqimeve do të promovojë “ndërveprime të respektueshme midis shikuesve dhe krijuesve”.
Në veçanti, kompania përmend një dëshirë për të mbrojtur krijuesit e tij më të vegjël nga “turpërimet publike” nëpërmjet “sulmeve të mospëlqimit”, transmeton UBT News.
Sidoqoftë, vlen të përmendet se videoja më e papëlqyer në platformë është “Rewind 2018” e vetë kompanisë YouTube, në të cilën merrë pjesë Will Smith, video kjo e cila grumbulloi më shumë se 10 milionë mospëlqime në afërsisht një javë./UBTNews/
