Xhevahire Izmaku ka dhënë dorëheqje nga të gjitha strukturat dhe funksionet në Partinë Demokratike të Kosovës. Përmes një shkrimi në Facebook, Izmaku ka thënë se nuk beson më në projektin dhe vizionin e PDK-së.
“Me keqardhje më duhet t’ju njoftoj se SOT jap dorëheqje nga të gjitha strukturat dhe funksionet e PDK-së. Vendimi për t’u larguar nga shtëpia të cilën edhe vet e kam ndërtuar, nuk ishte aspak i lehtë, por rrugët tona ndahen këtu sepse unë më tutje nuk besoj në projektin dhe vizionin e PDK-së dhe kontributi im i mëtutjeshëm aty, nuk do të ishte i sinqertë”, ka shkruar ajo mes tjerash./UBTNews
