Në një intervistë për të përditshmen austriake “Kleine Zeitung”, presidenti serb Aleksandar Vuçiq njoftoi se në ditët në vijim do të vihet gurthemeli i një fabrike krejtësisht të re që do të prodhojë vaksina kineze në Serbi, ndërsa kujtoi se përbërësi i parë i vaksinës ruse Sputnik V tashmë është duke u prodhuar në Serbi.
Vuçiq tha se rezistenca ndaj vaksinimit kundër koronavirusit është universale, dhe nuk është problem i vetëm një vendi.
“Pse është kështu – nuk e kuptoj. Sidoqoftë, teoritë e komplotit dhe mesazhet negative padyshim që arrijnë më mirë sesa ato pozitivet”, tha Vuçiq.
“Rrjetet sociale gjithashtu luajnë një rol në këtë, si dhe fakti që njerëzit i shohin liritë e tyre në qëndrime të paarsyeshme”, shtoi Vuçiq, duke shpjeguar arsyet për ngadalësimin e vaksinimit në Serbi.