Heber Lopez, drejtori i një uebsajti online të lajmeve, Noticias Web, u qëllua për vdekje. Ai është gazetari i pestë që u vra që nga fillimi i vitit në Meksikë. Lopez u sulmua të enjten në zyrën e tij në Salina Cruz, në shtetin jugor të Oaxaca, sipas autoriteteve.
Jan-Albert Hootsen, përfaqësuesi i Komitetit për Mbrojtjen e Gazetarëve në Meksikë, tha se vrasja e Lopez i bën gjashtë javët e para të vitit 2022 “më vdekjeprurëset për shtypin meksikan në më shumë se një dekadë”.
“Pesë gazetarë u vranë, dy i shpëtuan një sulmi dhe një numër i reporterëve u kërcënuan me vdekje”, shkroi ai në Twitter.
#MEXICO: CPJ is documenting the murder of journalist Heber López Vázquez, who was shot and killed earlier today in Salina Cruz, in the southern Mexican state of Oaxaca. State authorities confirmed to CPJ that two suspects have been arrested. https://t.co/bICIwazOfy
— CPJ Américas (@CPJAmericas) February 11, 2022
Prokurori i Përgjithshëm i shtetit Oaxaca tha se dy persona u arrestuan në lidhje me vrasjen e Lopez, dhe hetimet ende po vazhdojnë.
Dëshmitarët thanë se dy burra me një automjet u ndalën para zyrës së Lopez të enjten mbrëma. Një burrë hyri në zyrë dhe qëlloi për vdekje Lopezin./UBTNews