Vrasësi masiv norvegjez, Anders Behring Breivik, shkon në gjykatë të martën, pas 10 vitesh pas hekurave, duke pretenduar se ai nuk është më një rrezik për shoqërinë dhe duke u përpjekur të lirohet para kohe nga dënimi i tij 21-vjeçar.
Ai nuk ka treguar asnjë pendim që nga vrasja e 77 personave me bombë dhe me armë në vitin 2011, dhe familjet e viktimave dhe të mbijetuarve kanë frikë se ai do të vazhdojë me pikëpamjet e tij ekstreme gjatë seancës dëgjimore, ndonëse ekspertët thonë se nuk ka gjasa që t’i jepet atij një lirim i parakohshëm.
Randi Rosenqvist, psikiatri që ka ndjekur Breivik që nga burgimi i tij në vitin 2012, thotë “mund të them se nuk kam zbuluar ndryshime të mëdha në funksionimin e Breivik”.
“Në parim dhe praktikë, dikush që kërkon lirim me kusht duhet të tregojë pendim dhe të tregojë se e kuptojnë pse akte të tilla nuk mund të përsëriten”, tha Rosenqvist.
Seanca do të zgjasë tre ditë, por aktgjykimi nuk do të shpallet për disa javë./UBTNews/