Një video që shfaq policinë indiane duke goditur një grup myslimanësh në paraburgim u shikua me miliona herë pasi u shpërnda nga një anëtar i zgjedhur i partisë BJP në pushtet, i cili vlerësoi se gjestet e tyre janë dhuratë për ta.
Asnjë veprim nuk u ndërmor ndaj zyrtarëve policorë të përfshirë. Familjet e viktimave thanë se të dashurit e tyre janë të pafajshëm dhe duhet të lirohen.
“Ky është vëllai im, ata po e rrahin atë, ai po vuan shumë”, deklaroi një nga familjarët e viktimave.
Zeba shpërthen në lot, duart i dridhen, ndërsa ajo mban telefonin e saj në duar dhe shikon videon tronditëse ku shfaqet vëllai i saj i vogël, Saif.
“Nuk mund ta shikoj këtë video, është goditur keq”, deklaroi ajo, ndërsa ajo ngushëllohet nga të afërmit në shtëpinë e saj në qytetin verior indian të Saharanpur.
Pamjet shqetësuese tregojnë dy policë indianë që sulmojnë një grup burrash myslimanë në paraburgim, përfshirë vëllain e Zebës. Oficerët mund të shihen duke i goditur burrat me shufra të cilat ata i tundin si shkopinj bejsbolli./UBTNews/