28-vjeçari Ilir Gjokaj, i dyshuar për vrasjen e 19-vjeçares, Sheila Bakija në Mal të Zi është vetëdorëzuar në polici.
Pas ngjarjes në Tuz, Gjokaj u arratis dhe u fsheh, ndërkohë që u vetëdorëzua në orët e vona të ditës së djeshme.
Ai ishte i fejuar me 19-vjeçaren, kur kjo e fundit bëri kallëzim në në polici se Gjokaj po e kërcënonte, por asokohe ai vetëm u gjobit dhe nuk u dënua.
Mediet malazeze shkruajnë se Gjokaj e kërcënoi atë në shtëpinë e prindërve të saj, duke i thënë se “as në qiell as në tokë nuk do të jesh me dikë tjetër”.
Ilir Gjokaj shkoi në banesën e familjes së Shejla Bakijas, duke qëlluar këdo që i doli përpara.
Plumbat i morën jetën 19 vjeçares dhe gjyshes së saj, ndërsa mbeti i plagosur rëndë babai/ TCH.