Dy persona kanë humbur jetën si pasojë e një vetaksidenti të ndodhur mbrëmjen e së hënës në Fushë-Kosovë.
Sipas raportit të Policisë së Kosovës, aksidenti ka ndodhur rreth orës 22:11, kur një veturë që po drejtohej nga një femër ka dalë nga rruga. Si shoferja, ashtu edhe pasagjerja e veturës, janë dërguar në Qendrën Klinike Universitare të Kosovës, ku mjekët kanë konstatuar vdekjen e tyre.
Trupat e viktimave janë dërguar në Institutin e Mjekësisë Ligjore për obduksion, ndërsa rasti është duke u hetuar nga organet përkatëse.