Izraeli deklaroi se do të nisë të ofrojë një dozë të tretë të vaksinës së Pfizer tek të rriturit me sistem imunitar të dobët, por po vlerëson ende nëse duhet bërë e disponueshme ndaj publikut të përgjithshëm.
Përhapja e shpejtë e variantit Delta ka rritur normën e vaksinimit në Izrael, ndërkohë që infeksionet e reja janë rritur në muajin e fundit nga një shifrore, në rreth 450 në ditë.
Ministri i Shëndetësisë, Nitzan Horowitz, tha se të rriturit me sistem imunitar të cënuar, që kanë marrë 2 doza të Pfizer, mund të marrin një dozë nxitëse, raporton Scan, transmeton albinfo.ch.
Pfizer dhe partneri BioNTech, furnitorët kryesor në Izrael, bënë të ditur se do t’i kërkojnë rregullatorëve në BE dhe SHBA për të autorizuar dozat nxitëse. Të dy kompanitë përmendën rritje të rrezikut të infeksionit pas 6 muajve të vaksinimit, ndërsa kërkuan lejen për dozën e tretë. Thuajse 50% e 46 pacientëve të shfaqur në spital në Izrael në gjendje të ashpër, janë të vaksinuar dhe shumica janë nga grupe të rrezikut, sipas autoriteteve. Rreth 5.7 milionë e popullsisë prej 9.3 milionë e Izraelit, kanë marrë të paktën 1 dozë.