Me përhapjen e COVID-19 është më e rëndësishme se kurrë të bëni kujdes se ku vini duart. Këshilla e parë për t’u mbrojtur nga ky virus është higjena e lartë.
E në përgjithësi të gjithë llojet e viruseve, infeksioneve apo baktereve shpërndahen pikërisht në këtë mënyrë, duke mos treguar kujdes me higjienën e duke vendosur duart në çdo sipërfaqe të mbushur me mikrobe.
Për të qenë gjithnë vigjilentë, në këtë artikull do ju tregojmë disa nga vendet më të papastra që mund të vini duart dhe ku mund të qëndroni.
Fytyra juaj
Megjithëse mund të tingëllojë çuditëshëm, fytyra mund të mbledhë shumë papastërti gjatë një dite.
Sytë goja dhe hunda janë të ndjeshme ndaj çdo prekje që mund të bëni rreth tyre edhe nëse përdorni maskë.
Kështu mundohuni që të mos e prekni fytyrën tuaj me duar të palara.
Dorezat e dyerve
Edhe pse studiuesit besojnë se kontakti person me person ka më shumë gjasa ta përhapë Covid-19 sesa prekja e sipërfaqeve ekziston mundësia që atë ta merrni edhe nga sipërfaqet.
Virusi mund të jetojë deri në 2-3 ditë në sipërfaqe të forta si dorezat e dyerve.
Kështu për të qenë sa më të sigurtë, shtyjini dyert dhe dorezat me krah ose me bërryl kur është e mundur apo përdorni doreza.
Duart e njerëzve të tjerë
Dr. Anthony Fauci, një anëtar kryesor i ekipit të përgjigjes ndaj pandemisë në SHBA, kohët e fundit u shpreh se ai beson se “shtrëngimi i duarve ka vdekur”, kjo sepse është një veprim që e përhap koronavirusin.
Kështu praktikoni takimet me bërryl apo përshëndetjet nga larg.
Karrocat e supermarketeve
Karrocat e supermarketeve kanë qenë një burim bakteresh edhe para pandemisë.
Shmangni prekjen e tyre ose pastroni ato me një antibakterial dhe lani ose pastroni duart tuaja sa më shpejt pasi të keni mbaruar pazarin.
Butonat e ashensorëve
Gjithashtu një burim i madh mikrobesh ndaj bëni kujdes kur i prekni.
Pastroni duart menjëherë dhe mos prekni fytyrën.
Paratë
Siç është thënë edhe nga ekspertët tashmë, paratë janë një burim infeksioni, ndaj bëni shumë kujdes me to.
Telefoni dhe çanta
Të dyja për përdorim të përditëshëm për shumë njerëz, por me një rrezik për shpërndarjen e Covid-19 apo të mikrobeve të tjera në trupin tuaj.
Mundohuni t’i pastroni sa më shpesh këto dy sende të pandashme tashmë në jetën e përditëshme dhe mbajini sa më larg fytyrës.
Ambiente të tjera publike
Lista e vendeve ku duhet të tregoni kujdes së fundmi është e gjatë dhe fillon që nga menutë e restoranteve të cilat kalojnë nëpër shumë duar njerëzish e deri tek tualetet publike.
Detinfektuesit e duarve publik janë një sipërfaqe që është në kontakt me shumë persona dhe gjithashtu zyrat ku ju duhet të përdorni një stilolaps të vendosur për vizitorët.
Ekspertët këshillojnë të bëni kujdes kudo ku shihni se ka fluks njerëzish dhe të lani duart sa më shpesh që është e mundur./AgroWeb.org