Ka vdekur nga COVID-19 imami Hajrullah Hoxha. Lajmin e ka konfirmuar Bashkësia Islame e Kosovës, teksa u bë e ditur se varrimi i të ndjerit do të bëhet gjatë ditës së sotme vetëm nga rrethi i ngushtë familjar, në varrezat e fshatit Korraticë e Epërme të komunës së Drenasit.
“Njoftojmë miqtë, kolegët dhe gjithë dashamirët se varrimi i hoxhës Hajrullah ef. Hoxha, do të bëhet sot, në varrezat e fshatit Korroticë e Epërme, në kohën e namazit të ikindisë.Po ashtu, ju njoftojmë se Hajrullah ef. Hoxha ka ndërruar jetë si pasojë e Covid-19, andaj ju njoftojmë të gjithëve se varrimi i tij do të bëhet vetëm nga rrethi i ngushtë familjar, si dhe nuk do të ketë të pame të organizuar”, njofton Bashkësia Islame e Kosovës./UBTNews