Një grua ka vdekur në rrethana të dyshimta mesditën e së mërkurës në lagjen “Bregu i Diellit” në Prishtinë.
Zëdhënësja e Policisë së Kosovës, Flora Ahmeti e konfirmoi rastin për UBTNews.
“Rreth orës 13:00, kemi pranuar informatën për një person të lënduar, të shtrirë në afërsi të një objekti në rrugën “Ferat Dragaj” në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit (femër)”, thuhet në njoftimin e PK-së.
Tutje Ahmeti tha se aktualisht policia po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmojnë në hetimin e ngjarjes si dhe sqarimin dhe ndriçimin e plotë të rastit./UBTNews/