Që nga mesi i janarit, 70 persona kanë humbur jetën në Stamboll për shkak të konsumimit të alkoolit të falsifikuar, ndërsa 150 të tjerë kanë kërkuar ndihmë mjekësore për helmim nga metanoli. Numri i rasteve ka shënuar një rritje të ndjeshme, duke u rritur nga 92 në 150 brenda tre javësh.
Për të luftuar këtë problem, autoritetet turke kanë intensifikuar operacionet për zbardhjen e rrjeteve të prodhimit dhe shpërndarjes ilegale të alkoolit të falsifikuar. Guvernatori i Stambollit, Davut Gul, njoftoi se gjatë operacioneve janë arrestuar 190 persona dhe janë sekuestruar 86.274 litra alkool ilegal./UBTNews/
