Granatimet kanë vazhduar në pjesët qendrore dhe jugore të Ukrainës gjatë natës dhe mëngjesin e sotëm në një valë të re sulmesh ruse.
Kryetari i Enerhodarit, Dmytro Orlov tha se rajoni juglindor po përballet me ndërprerje të energjisë dhe ujit pas bombardimeve në “zonën industriale”.
Orlov tha: “Gjatë natës, Enerhodar u sulmua sërish. Qyteti është pjesërisht pa energji elektrike dhe ujë. Granatimet, së pari të zonës industriale, dhe më pas të vetë qytetit, filluan rreth mesnatës dhe nuk u ndalën në mëngjes. Ka raportime për dëme në një nga nënstacionet, si dhe në godinën e komitetit ekzekutiv të bashkisë së qytetit”.
Termocentrali bërthamor i Zaporizhzhias, i cili është i pushtuar nga forcat ruse, është në rajonin Enerhodar./UBTNews/